Հովիկ Աբրահամյանը խիստ հանձնարարական է տվել նախարարներին
Այսօր ՀՀ կառավարության նիստի ավարտին ՀՀ վարչապետ Հովիկ Աբրահամյանը նախարարներին խստիվ հանձնարարեց ամիսը գոնե մեկ անգամ այցելել մարզեր:
«Շատ կարևոր և նույնիսկ պարտադիր է, որ յուրաքանչյուր նախարար գոնե ամիսը մեկ անգամ այցելի մեկ մարզ, ծանոթանա, ժողովրդի հետ հանդիպի, քննարկի, թե ինչ պրոբլեմներ ունի մեր ժողովուրդը: Շատ կարևոր է, որպեսզի կառավարությունը շփվի մեր հասարակության, ազգաբնակչության հետ»,- ասաց Հ.Աբրահամյանը:
Նա այդ աշխատանքի համակարգումը հանձնարարեց փոխվարչապետ Արմեն Գևորգյանին, որպեսզի վերինս հետևի, որ նախարարները ամիսը մեկ անգամ ըստ գրաֆիկի այցելեն մարզեր:
