Իրանի պաշտպանության նախարարը կոչ է արել պատժել Սիրիայում ու Իրաքում գործող ISIL-ի զինյալներին
Իրանական ISNA լրատվական գործակալության փոխանցմամբ՝ Իրանի պաշտպանության նախարար, գեներալ Հուսեին Դեհգհանը կոչ է արել պատժել «Լևանտում ու Իրաքում իսլամական պետություն» (ISIL) խմբավորման զինյալներին:
«ISIL-ն ահաբեկչական կազմակերպություն է, և նրա կողմնակիցները պետք է արդարացի պատիժ կրեն որպես ռազմական հանցագործներ: Այն ամենը, ինչ նրանք արեցին նախ Սիրիայում, ապա նաև Իրաքում, ամբողջովին ընկնում է ռազմական հանցանքներ հասկացության տակ»:
Դեհգհանի խոսքերով՝ ավազակներին անխուսափելիորեն սպասվում է Իրաքի բռնապետ Սադդամ Հուսեյնի ճակատագիրը:
Հիշեցնենք, որ սրանից առաջ ISIL-ը Սիրիայում ու Իրաքում իր վերահսկած տարածքներում հայտարարել էր «Իսլամական խալիֆաթի» ստեղծման մասին: Հայտարարվել էր նաև, որ կրճատվել է ISIL-ի անունը՝ «Իսլամական պետություն»:
