«Կապիտալի պլանավորում և ստրես-թեստավորում» թեմայով տարածաշրջանային սեմինար Երևանում
Երևանի «Բեստ Վեստերն Կոնգրես» հյուրանոցում հունիսի 23-27-ը կայացել է ՀՀ կենտրոնական բանկի և ԱՄՆ Դաշնային պահուստային համակարգի համատեղ կազմակերպված «Կապիտալի պլանավորում և ստրես-թեստավորում» թեմայով տարածաշրջանային սեմինարը, որին մասնակցել են Ռուսաստանի, Բելառուսի, Լիբանանի, Ղազախստանի, Լիտվայի, Լատվիայի, Էստոնիայի, Բոսնիա-Հերցոգովինայի և Հայաստանի կենտրոնական բանկերի ռիսկերի կառավարման ոլորտի ավելի քան 30 մասնագետներ:
Սեմինարին բացման խոսքով հանդես են եկել Կենտրոնական բանկի խորհրդի անդամ Վախթանգ Աբրահամյանը և ԱՄՆ Դաշնային Պահուստային Համակարգի Տնօրենների խորհրդի բանկային վերահսկողության և կարգավորման դեպարտամենտի խորհրդատու Սարգիս Յոգուրջյանը:
