Զինյալները գրավել են Իրաքի խոշորագույն նավթավերամշակման գործարանը
BBC-ի փոխանցմամբ՝ «Լևանտում ու Իրաքում իսլամական պետություն» խմբավորման զինյալները շարունակում են Իրաքում իրենց հարձակումը: Երեկ առավոտյան նրանք ականանետերի ու գնդացիրների օգնությամբ հրետակոծել ու գնդակոծել են Բաղդադից 210 կիլոմետր դեպի հյուսիս ընկած Բայջի քաղաքում գտնվող Իրաքի խոշորագույն նավթավերամշակման գործարանը:
Զինյալներին հաջողվել է իրենց վերահսկողությունը հաստատել նավթավերամշակման գործարանի մեծ մասի՝ 75 տոկոսի վրա: Նրանք վերահսկում են արտադրական հզորությունները, վարչական շենքը և 4 դիտման աշտարակ:
Երեքշաբթի կասեցվել էին նավթավերամշակման գործարանի աշխատանքները: Զինյալները գերեվարել են 100 օտարազգի աշխատակցի: Իրաքի իշխանություններն ԱՄՆ-ին խնդրել են ավիահարվածներ հասցնել զինյալներին:
