Իրանի ու Աֆղանստանի հարաբերությունները բարելավվում են
Irib News-ի փոխանցմամբ՝ Իրանի ու Աֆղանստանի հարաբերությունները բարելավվում են: Այս մասին Քաբուլում հայտարարել է Իրանի փոխարտգործնախարար Հասան Քաշքավին:
Վերջինս մասնակցել է Աֆղանստանի քաղաքացիներին իրանական էլեկտրոնային վիզաների տրամադրման առաջին կետի բացման արարողակարգին: Քաշքավին գոհունակություն է հայտնել քաղաքական, տնտեսական ու մշակութային ոլորտներում Իրանի ու Աֆղանստանի հարաբերությունների կապակցությամբ, ինչպես նաև հույս է հայտնել, որ դրանք արագորեն կբարելավվեն ու կամրապնդվեն:
Քաշքավիի խոսքերով՝ Իրանը ձգտում է ականատես դառնալ Աֆղանստանի բարգավաճմանը, ազատ ու կայուն երկրի վերածվելուն: Աֆղանստանն անվտանգության տեսանկյունից հանդիսանում է Իրանի խնդրահարույց հարևանը: Սովորաբար, աֆղանական թմրանյութն Իրանի տարածքով է ուղարկվում Եվրոպա: Բացի այդ, Աֆղանստանից բխում է ահաբեկչական վտանգ:
