Աբդուլլահ Գյուլը մայիսի 28-ին մեկնելու է ԱՄՆ
Թուրքական TRT Haber հեռուստաալիքի փոխանցմամբ` Թուրքիայի նախագահ Աբդուլլահ Գյուլը մայիսի 28-ին մեկնելու է ԱՄՆ: Գյուլը Բոստոն քաղաքում մասնակցելու է Հարվարդի համալսարանի դիպլոմների հանձնմանը, ուր սովորել է նաև նրա որդի Մեհմեթ Էմրե Գյուլը:
Գյուլը համալսարանի ուսանողների համար դասախոսություն է կարդալու Թուրքիայի շուրջ և տարածաշրջանում զարգացումների մասին: Ամերիկյան այցի շրջանակներում Գյուլը հանդիպումներ է ունենալու ամերիկյան առաջատար ընկերությունների ղեկավարների և թուրք գիտնականների հետ:
Մայիսի 31-ին Աբդուլլահ Գյուլը կվերադառնա Թուրքիա:
