Եվրոպական ընկերությունները պատրաստ չեն Իրանի հետ նավթային պայմանագրեր ստորագրելուն
Իրանական IRNA լրատվական գործակալության փոխանցմամբ՝ Իրանի նավթարդյունաբերության նախարարությունը նավթային պայմանագրերի ստորագրման շուրջ բանակցություններ է վարում եվրոպական ընկերությունների հետ, սակայն եվրոպական ընկերությունները պատրաստ չեն դրան:
Այս մասին հայտարարել է Իրանի նավթարդյունաբերության նախարար Բիջան Նամդար Զանգանեն: Նրա խոսքերով՝ Իրանը կարող է օգտվել օտար կապալառուների օգնությունից՝ իրագործելու համար «Հարավային Փարս» հսկայական գազային հանքավայրի մշակման մնացյալ երկու փուլերը:
«Հարավային Փարս» հանքավայրի գազային պաշարները կազմում են մոտ 14 տրիլիոն խորանարդ մետր գազ, կամ էլ գազի համաշխարհային պաշարների մոտ 8 տոկոսը:
