Ստամբուլում մայիսմեկյան բախումներ են գրանցվել
Թուրքական Haber7 հեռուստաալիքի փոխանցմամբ՝ Ստամբուլի մի շարք շրջաններում բախումներ են գրանցվել ոստիկանության ու մայիսմեկյան երթի մասնակիցների միջև: Վերջիններս քարեր ու դյուրավառ նյութեր են նետել ոստիկանների վրա: Ոստիկաններն իրենց հերթին արցունքաբեր գազ և ջրաշիթեր են կիրառել նրանց վրա:
Երկու կողմից էլ կան տուժածներ, այդ թում նաև երեք երեխա: Ստամբուլի ոստիկանությունն այսօր առավոտյան արգելափակել է դեպի «Թաքսիմ» կենտրոնական հրապարակ տանող մատույցները: Իշխանությունները նախապես արգելել էին այդ հրապարակում մայիսմեկյան երթ անցկացնելը:
Մայիսմեկյան երթին միացել են նաև ընդդիմադիր կուսակցությունների պատգամավորներ ու ներկայացուցիչներ:
