Ուկրաինայում ՌԴ ռազմածովային կցորդին հայտարարել են persona non grata
РБК-ի փոխանցմամբ՝ Ուկրաինայի իշխանությունները Ռուսաստանի ռազմածովային կցորդին հայտարարել են persona non grata (անցանկալի անձ): Այս մասին հայտնել է Ուկրաինայի ԱԳՆ-ի մամուլի ծառայությունը:
Վերջինիս հաղորդմամբ՝ Ռուսաստանի ռազմածովային կցորդ Կիրիլ Կոլյուչկինին ձերբակալել են երեկ՝ հետախուզական ակցիա ձեռնարկելիս: Ուկրաինայի ԱԳՆ-ը հայտարարել է, որ Կոլյուչկինի գործունեությունը համատեղելի չէ դիվանագիտական կարգավիճակի հետ՝ համաձայն դիվանագիտական հարաբերությունների վերաբերյալ Վիեննայի կոնվենցիայի:
Կոլյուչկինը մոտ ժամանակներս կլքի Ուկրաինայի տարածքը:
