Boeing-ը պատրաստ է Իրանի ու ԱՄՆ-ի միջև ուղիղ ավիահաղորդակցության վերսկսմանը
Իրանական Fars լրատվական գործակալության փոխանցմամբ՝ ամերիկյան Boeing ընկերությունը պատրաստ է սկսել տեխնիկական գործընթաց, որը կարող է հանգեցնել Իրանի ու ԱՄՆ-ի միջև ուղիղ ավիահաղորդակցության վերսկսմանը:
Boeing ընկերությունը ստացել է ԱՄՆ ֆինանսների նախարարության թույլտվությունը՝ ընթացակարգեր անցկացնելու համար, որոնք անհրաժեշտ են Իրան-ԱՄՆ չվերթների իրականացման համար: Այս մասին հայտարարել է Իրանի Քաղավիացիայի ղեկավար Ալի Ռեզա Ջահանգիրիանը:
Նրա խոսքերով՝ Boeing-ն արդեն իսկ սկսել է բանակցել իրանական ընկերությունների հետ՝ կապված պահեստամասեր մատակարարելու հետ, ինչն անհրաժեշտ է թռիչքների վերականգնման համար:
