Այսօր Գալուստ Սահակյանը Աժ կգնա զրահապատ BMW-ով. «ՀԺ»
«ՀԺ»-ն գրում է. «Երեկ երեկոյան Հովիկ Աբրահամյանի իրերը ԱԺ նախագահի աշխատասենյակից հավաքեցին և բարձեցին միկրոավտոբուսի մեջ: Սենյակը ազատում էին ԱԺ նոր նախագահի՝ Գալուստ Սահակյանի համար:
Չնայած՝ երեկ Սահակյանը ԱԺ նախագահությունում տեղավորվեց ԱԺ նախագահի համար նախատեսված տեղում, բայց այդտեղից դեռ որևէ բան չի խոսել: Նկատելի է, որ ԱԺ նախագահի կաշվե բազկաթոռը անսովոր է նրա համար, առայժմ զննում-քննում է իրավիճակը, ինչ-որ բան հարցնում Է. Շարմազանովին և Հ. Նաղդալյանին, ովքեր նախագահությունում գտնվելու ավելի մեծ փորձ ունեն:
Գալուստ Սահակյանը պատգամավոր եղած ժամանակ ԱԺ ութ նախագահ է փոխել, և ահա ինքն էլ հասավ այդ կարգավիճակին` դառնալով ՀՀ խորհրդարանի 10-րդ ղեկավարը: Այսօր արդեն նա Ազգային ժողով կգա զրահապատ BMW-ով, թիկնազորի ուղեկցությամբ»:
Կարդացեք «Հայկական Ժամանակի» այսօրվա համարում։
