Պուտինին տեղյակ է պահվել Մերձդնեստրի խնդրանքի մասին. Պեսկով
Ռուսական РИА Новости լրատվական գործակալության փոխանցմամբ՝ Ռուսաստանի նախագահ Վլադիմիր Պուտինին զեկուցել են Մերձդնեստրի խնդրանքը՝ կապված այդ հանրապետությունն անկախ ճանաչելու հետ:
Այս մասին հայտարարել է Ռուսաստանի նախագահի մամլո քարտուղար Դմիտրի Պեսկովը: Նրա խոսքերով՝ հարցի դիտարկման հստակ ժամկետները դեռ հայտնի չեն: Նա հավելել է, որ տեղյակ չէ, թե ինչ կերպ է ստացվել Մերձդնեստրի այդ դիմումը:
Մերձդնեստրի Գերագույն խորհրդի երեկվա նիստում պատգամավորական կորպուսը միաձայն որոշում է ընդունել Ռուսաստանի Պետդումային, Դաշնային խորհրդին ու Ռուսաստանի նախագահին, ինչպես նաև Մերձդնեստրյան Մոլդովական Հանրապետության նախագահ Եվգենի Շևչուկին դիմելու մասին՝ խնդրելով նախաձեռնել Մերձդնեստրյան Մոլդովական Հանրապետությունը որպես անկախ պետություն ճանաչելու ընթացակարգ:
