Ուկրաինայում տեղի չի ունենա քաղաքացիական պատերազմ. Տուրչինով
Украинская правда-ի փոխանցմամբ՝ Ուկրաինայի Գերագույն ռադայի նախագահ, երկրի նախագահի պաշտոնակատար Ալեքսանդր Տուրչինովը համոզված է, որ Ուկրաինայում տեղի չի ունենա քաղաքացիական պատերազմ:
Խորհրդարանի նիստի ժամանակ մեկնաբանելով Ուկրաինան անջատողականներից ու զավթիչներից պաշտպանել ցանկացող քաղաքացիներին զենք հատկացնելու մասին կոչերը՝ Տուրչինովը հայտարարել է. «Պետությունը զենք տալիս է միայն նրանց, ովքեր գնում են աշխատելու ոստկանությունում, ովքեր գնում են ծառայելու Ազգային գվարդիայում կամ զինված ուժերում:
Երբ մենք ազատ ու մատչելի դարձնենք զենքից օգտվելը, կնշանակի, որ նման հնարավորություն կստանան նաև անջատողականները: Եվ դա նշանակում է, որ մենք Ուկրաինան մղում ենք դեպի քաղաքացիական պատերազմի անդունդ: Մենք թույլ չենք տա քաղաքացիական պատերազմ: Ուկրաինայում տեղի չի ունենա քաղաքացիական պատերազմ և վերջ»:
