Ուկրաինան գտնվում է քաղաքացիական պատերազմի շեմին. Մեդվեդև
Ռուսական РИА Новости լրատվական գործակալության փոխանցմամբ՝ Ռուսաստանի վարչապետ Դմիտրի Մեդվեդևը կարծում է, որ Ուկրաինան գտնվում է քաղաքացիական պատերազմի շեմին: Այդ մասին նա գրել է Facebook-ի իր էջում.
«Ուկրաինայում վերստին արյուն է թափվել: Երկիրը քաղաքացիական պատերազմի շեմին է: Դա շատ ցավալի է: Ուկրաինական աղետի պատճառն այն է, որ իշխանությունն անգամ չի փորձել կարգուկանոն պահպանել երկրի շրջաններում, երբ այնտեղ սկսել են գրավել վարչական հիմնարկներ»:
Մեդվեդևը ստեղծված իրավիճակի համար մեղադրել է Կիևի իշխանություններին՝ հիշեցնելով, որ նրանք իշխանության են եկել ապօրինի ճանապարհով, զինված խռովության միջոցով: Մեդվեդևի կարծիքով՝ Կիևի իշխանությունների գործողությունները դիմակայություն և քաոս են առաջացրել երկրում: Նա ընդգծել է, որ այժմ ակնհայտ են դարձել Կիևի իշխանությունների իրական մտադրությունները:
