Սպիտակ տունը հաստատել է, որ ԿՀՎ-ի ղեկավարն օրեր առաջ գտնվել է Կիևում
Ռուսական РИА Новости լրատվական գործակալության փոխանցմամբ՝ ամերիկյան ԿՀՎ-ի ղեկավար Ջոն Բրենանը հանգստյան օրերին ժամանել է Կիև: Այս մասին երեկ հայտարարել է Սպիտակ տան մամլո քարտուղար Ջեյ Քարնին՝ պատասխանելով հանգստյան օրերին Կիևում Բրենանի գտնվելու մասին հարցին. «Մենք կարող ենք հաստատել, որ ԿՀՎ-ի ղեկավարը եղել է Կիևում»
Ավելի վաղ Ուկրաինայի ուժային կառույցներին մոտ կանգնած ռուսական գործակալության աղբյուրը հայտնել էր, որ Բրենանը Կիև է ժամանել ապրիլի 12-ին և հանդիպել է ուժայինների հետ: Դրանից հետո Ուկրաինայի ՆԳՆ-ը հայտարարել է երկրի արևելքում հակաահաբեկչական գործողություն սկսելու մասին: Այդ մասին հայտարարել էր նաև Ուկրաինայի նախկին նախագահ Վիկտոր Յանուկովիչը:
