Գողության և ծեծի մեղադրանքներով հետախուզվողները հայտնաբերվել են
Ապրիլի 10-ին, ժամը 14.00-ին, ոստիկանության Քանաքեռ-Զեյթունի բաժնի ծառայողները Էրեբունի փողոցի թիվ 22 շենքից բերման են ենթարկել 1993 թ. ծնված Աղվան Գ.-ին, որը ապրիլի 5-ից ոստիկանության Տաշիրի բաժնի կողմից հետախուզվում էր գողության մեղադրանքով:
Նույն օրը ժամը 13.00-ին, ոստիկանության քրեական հետախուզության գլխավոր վարչության, ոստիկանության Գեղարքունիքի մարզային վարչության և Մարտունու բաժնի ծառայողները Գեղարքունիքի մարզի Ծովասար գյուղից բերման են ենթարկել 1988 թ. ծնված Արկադի Մ.-ին, որը 2014 թ. հունվարի 21-ից ՌԴ Չուվաշայի Հանրապետության իրավապահների կողմից հետախուզվում էր ծեծի մեղադրանքով:
ՀՀ Ոստիկանություն
