«Վեցյակի» հետ միջանկյալ համաձայնագրից հետո Իրանը 258 տոկոսով ավելացրել է գազի արտահանումը
Իրանական ISNA լրատվական գործակալության փոխանցմամբ՝ Իրանը նախորդ տարվա նոյեմբերի վերջերին սեփական միջուկային ծրագրի շուրջ «Վեցյակի» հետ միջանկյալ համաձայնագիր ստորագրելուց հետո 258 տոկոսով մեծացրել է գազի արտահանման ծավալը:
Այդ համաձայնագիրը նախատեսում է Իրանի դեմ Արևմուտքի սահմանած պատժամիջոցների մեղմացում՝ Իրանի միջուկային ծրագրի կրճատման դիմաց: 2013 թվականին միայն հեղուկացված գազի մատակարարումները օրական 195.000 բարելից աճել են մինչև 504.000 բարելի: Հաշվետու ժամանակահատվածում գազի արտահանումից Իրանի ստացած եկամուտները կազմել են 10.3 միլիարդ դոլար:
