«Ննջասենյակի հարկը» Մեծ Բրիտանիայում բողոքի ալիք է առաջացրել
Հազարավոր բրիտանացիներ են մասնակցել ընդդեմ այսպես կոչված «ննջասենյակի հարկի» բողոքի ակցիաներին, որոնք տեղի են ունեցել Լոնդոնում, Մանչեսթրում եւ այլ խոշոր քաղաքներում, հաղորդում է ITV-ն:
Նման տարօրինակ հարկի նպատակը սոցիալական բնակարանների առավել արդյունավետ օգտագործումն է: Դրանց սեփականատերերն, ինչպես նաեւ գործազուրկները, որոնք «թույլատրելիից ավելի» ննջասենյակ ունեն, կորցնում են կոմունալ սուբսիդիաների 14 տոկոսը, երկու եւ ավելի ննջասենյակի առկայության դեպքում` 25 տոկոսը: «Թույլատրելի» ննջասենյակերի թիվը հաշվարկվում է` կախված ընտանիքի անդամների թվից, սեռից ու երեխաների տարիքից:
