Պորոշենկոն Տիմոշենկոյին կոչ է արել հանել սեփական թեկնածությունը
Գերմանական Bild թերթին տված հարցազրույցի ժամանակ Ուկրաինայի նախագահի թեկնածու, Roshen կոնցեռնի սեփականատեր Պյոտր Պորոշենկոն «Բատկիվշչինա» կուսակցության առաջնորդ Յուլյա Տիմոշենկոյին առաջարկել է հանել սեփական թեկնածությունն Ուկրաինայի նախագահի պաշտոնից:
Պորոշենկոն որպես օրինակ բերել է «ՈՒԴԱՌ» կուսակցության առաջնորդ Վիտալի Կլիչկոյի օրինակը, ով չառաջադրեց իր թեկնածությունն առաջիկա նախագահական ընտրություններում՝ կարևորելով միասնական թեկնածուով նախագահական ընտրություններին գնալը (Կլիչկոն որոշել է դառնալ Կիևի քաղաքապետ).
«Նա (Կլիչկոն) վայր դրեց իր հավակնությունները, որպեսզի սպառնալիքի տակ չդրվի երկրի միասնությունը: Յուլյա Տիմոշենկոն նույնպես պետք է հասկանա, որ «Մայդանում» այդքան զոհերից հետո մենք հայտնվել ենք նոր երկրում, որն արժանի է նոր մտածելակերպի և նոր քաղաքական գործիչների»:
Ուկրաինայում նախագահական ընտրություններն անցկացվելու են այս տարվա մայիսի 25-ին:
