Երևանում տեղի կունենա միջազգային համաժողով՝ պատասխանատու հանքարդյունաբերության թեմայով
Մարտի 25-26-ը «Արմենիա Մարիոթ» հյուրանոցում տեղի կունենա «Պատասխանատու հանքարդյունաբերության կայացումը Հայաստանում. հնարավորություններ և մարտահրավերներ» խորագիրը կրող միջազգային համաժողովը։
Հայաստանի Հանրապետության կառավարության և Համաշխարհային բանկի կողմից կազմակերպվող այս համաժողովի նպատակն է հանքարդյունաբերության ժամանակակից և միջազգային լավագույն փորձի մասին Հայաստանում այդ ոլորտի տարբեր շահագրգիռ խմբերին տեղեկատվության փոխանցումը և նրանց միջև երկխոսության դյուրացումը: Երկօրյա համաժողովին հանդես կգան միջազգային խոսնակներ և փորձագետներ:
Միջոցառման աջակիցներն են՝ Վերակառուցման և Զարգացման Եվրոպական Բանկը (EBRD), Միջազգային ֆինանսական կորպորացիան (IFC), ԱՄՆ դեսպանատունը, Երևանում Բրիտանական դեսպանատունը, Գերմանիայի Դաշնային Հանրապետության դեսպանությունը Երևանում և Կանադայի կառավարությունը:
