Իտալիայի խորհրդարանը հաստատել է նոր կառավարությունը
Բրիտանական Reuters լրատվական գործակալության փոխանցմամբ՝ Իտալիայի Խորհրդարանի Պատգամավորների պալատը վստահություն է հայտնել Մատեո Ռենցոյի կոալիցիոն կառավարությանը: Նոր կառավարությանն աջակցություն է հայտնել 378 պատգամավոր, դեմ՝ 220-ը:
Բարեհաջող քվեարկությունն ապահովել են Դեմոկրատական կուսակցությունն ու Նոր աջ կենտրոնը, որոնց ներկայացուցիչները կազմում են նոր կառավարության մեծ մասը: Սրանից առաջ էլ նոր կառավարությանը վստահություն էր հայտնել Սենատը: Դրանով իսկ Ռենցիի կառավարությունը հաստատվել է Իտալիայի խորհրդարանի երկու պալատների կողմից:
Դեմոկրատական կուսակցության 39-ամյա առաջնորդ, Ֆլորենցիայի քաղաքապետ Ռենցին դարձավ Իտալիայի պատմության մեջ ամենաերիտասարդ վարչապետը:
