Քեթրին Էշթոնը հաջորդ շաբաթ կարող է մեկնել Ուկրաինա
Ռուսական РИА Новости լրատվական գործակալության փոխանցմամբ՝ ԵՄ-ի դիվանագիտության ղեկավար Քեթրին Էշթոնը կարող է հաջորդ շաբաթ մեկնել Ուկրաինա՝ նպաստելու համար այդ երկրում առկա քաղաքական ճգնաժամի կարգավորմանը: Այս մասին հայտարարել է Եվրահանձնաժողովի պաշտոնական ներկայացուցիչ Օլիվիե Բային.
«Եվրահանձնաժողովի նախագահը եվրահանձնակատար Շտեֆան Ֆյուլեին առաջարկել է մեկնել Կիև: Բանակցությունների արդյունքներով հաջորդ շաբաթ Կիև կարող է մեկնել Քեթրին Էշթոնը: Ուկրաինայի նախագահ Վիկտոր Յանուկովիչը պատրաստակամություն է հայտնել ընդունել Ֆյուլեին ու Էշթոնին՝ ստեղծված իրավիճակը կարգավորելու հարցում օգնելու համար»:
