Թուրքիայի իշխանություններին արգելել են հաշվետվություն պահանջել ոստիկանությունից
Թուրքական Hürriyet Daily News թերթի փոխանցմամբ՝ Թուրքիայի Պետխորհուրդը (բարձրագույն դատական ատյան) չեղյալ է հայտարարել կառավարության կարգադրությունը, որի համաձայն, ոստիկանությունը քրեական գործերի հարուցման հարցում պետք է հաշվետվություն ներկայացնի քաղաքացիական վարչակազմին:
Պետխորհրդի որոշումը տեղի է ունեցել Անկարայի փաստաբանական ասոցիացիայի բողոքը դիտարկելուց հետո: Բացի այդ, փաստաթղթի քննադատությամբ երեկ հանդես է եկել Թուրքիայի դատավորների ու դատախազների բարձրագույն խորհուրդը (HSYK), որի կարծիքով՝ կառավարության պահանջը խախտում է Սահմանադրությունը:
Կառավարությունը նման պահանջ էր առաջ քաել նախորդ շաբաթ երկիրը ցնցած կոռուպցիոն սկանդալի ֆոնին: Էրդողանը բողոքել էր, որ ոստիկանությունը պատրաստած օպերացիայի մասին նախապես չի իրազեկել իրենց:
