Լարված իրավիճակ Տնտեսագիտական համալսարանում. Լրագրողներին արգելում են ներկա գտնվել Տարոն Մարգարյանի պաշտպանությանը
Տնտեսագիտական համալսարանում այս պահին լարված իրավիճակ է: Շուրջ 100 ուսանողները շղթա կազմած արգելում են լրագրողներին մոտենալ համալսարանի այն լսարանին, որտեղ այս պահին տեղի է ունենում Երևանի քաղաքապետ Տարոն Մարգարյանի պաշտպանությունը:
Տնտեսագիտական համալսարան են ժամանում նաև ոստիկանները: Այնտեղ է նաև Անի Զախարյանը, ում նույնպես թույլ չեն տալիս ներկա գտնվել Տարոն Մարգարյանի պաշտպանությանը: Նա 168.am-ի հետ զրույցում դժգոհեց՝ ասելով, որ ինքն իրավունք ունի մասնակցելու այդ պաշտպանությանը, սակայն արգելում են:
Տարոն Մարգարյանի հետ հարցազրույցը՝ առաջիկայում:
