Գաբալայի ՌՏԿ-ի հարցը լուծված է. Խալաֆով
Ադրբեջանական APA լրատվական գործակալության փոխանցմամբ՝ Գաբալայի ՌՏԿ-ի գծով հանձնաժողովը լուծել է բոլոր առաջադրանքները: Այս մասին լրագրողների հետ զրույցում հայտարարել է Ադրբեջանի փոխարտգործնախարար, տվյալ հանձնաժողովի նախագահ Խալաֆ Խալաֆովը:
Վերջինիս խոսքերով՝ ռուսական կողմի հետ ձեռնարկվել են անհրաժեշտ բոլոր միջոցները, որոնք առնչվում են Գաբալայի ՌՏԿ-ի հետ, ռուսական կողմի ողջ ունեցվածքը դուրս է բերված, իսկ ռուսական կոնտինգենտն արդեն իսկ լքել է կայանը: Խալաֆովն ընդգծել է, որ կայանը ներկայումս չի աշխատում, և որ այդ հարցը լուծված է:
