Լևոն Բարսեղյանն ու Դավիթ Սանասարյանը դուրս եկան ոստիկանությունից
Քիչ առաջ Երևանի Կենտրոնի ոստիկանությունից դուրս եկան Ժուռնալիստների «Ասպարեզ» ակումբի նախագահ Լևոն Բարսեղյանը, «Ժառանգության» ներկայացուցիչ Դավիթ Սանասարյանն ու ևս մի քանի հոգի: Նրանք մեզ հետ զրույցում ասացին, որ իրենց նկատմամբ հարուցվել է վարչական վարույթ:
Դավիթ Սանասարյանի խոսքով՝ իր համար անհասկանալի է, թե ինչու էին իրեն բերման ենթարկել, որովհետև, ըստ նրա՝ ինքն ամեն ինչ անում էր, որպեսզի ոստիկանների և քաղաքացիների միջև բախում տեղի չունենար:
Ոստիկանությունից դուրս եկավ նաև բերման ենթարկված անչափահաս մի աղջիկ: Նա ասաց, որ ինքը դրոշը ձեռքին քայլելիս է եղել, երբ ոստիկաններն իրեն բերման են ենթարկել:
