Վրաստանի համար սրանք պատմական օրեր են. Փանջիկիձե
Грузия Online-ի փոխանցմամբ՝ Վրաստանի արտգործնախարար Մայա Փանջիկիձեն հայտարարել է, որ Վրաստանի համար պատմական օրեր են վրա հասել՝ նկատի ունենալով Վիլնյուսում «Արևելյան գործընկերության» գագաթաժողովի անցկացումը:
Վրաստանն ու ԵՄ-ն այսօր Վիլնյուսում նախաստորագրել են Ասոցացման համաձայնագիրը: Վրացական կողմից համաձայնագրի վրա իր ստորագրությունը դրել է Փանջիկիձեն, իսկ ԵՄ-ի կողմից՝ նրա դիվանագիտության ղեկավար Քեթրին Էշթոնը:
Փանջիկիձեի խոսքերով՝ Ասոցացման համաձայնագիրն անխուսափելի է դարձնում ԵՄ-ին Վրաստանի ինտեգրումը: Վրաստանի նախագահ Գեորգի Մարգվելաշվիլին իր հերթին հայտարարել է, որ Ասոցացման համաձայնագրի կնքումը շատ կարևոր քայլ է երկրի ապագայի համար:
