Վրաստանը Վիլնյուսում ստորագրել է Ճգնաժամերի կառավարման ԵՄ-ի գործողություններին մասնակցելու համաձայնագիրը
Новости-Грузия լրատվական գործակալության փոխանցմամբ՝ Վրաստանի արտգործնախարար Մայա Փանջիկիձեն և ԵՄ-ի դիվանագիտության ղեկավար Քեթրին Էշթոնը Վիլնյուսում ընթացող «Արևելյան գործընկերության» գագաթաժողովի շրջանակներում այսօր ստորագրել են Ճգնաժամային իրավիճակների կառավարման ԵՄ-ի գործողություններին Վրաստանի մասնակցության շրջանակային համաձայնագիր:
Համաձայնագրի տեքստի վերաբերյալ կողմերի միջև բանակցությունները մեկնարկել են 2012 թվականի նոյեմբերին և ավարտվել են 2013 թվականի հուլիսին: Նշվում է, որ Վրաստանն արդեն իսկ ունի Կոսովոյում, Իրաքում ու Աֆղանստանում միջազգային խաղաղապահ գործողություններին մասնակցելու փորձ:
Դրան զուգահեռ Վրաստանն արդեն իսկ հրավեր է ստացել մասնակցել ԵՄ-ի առաքելություններին, ինչը նաև վերաբերում է աֆրիկյան երկրներում ծովային առաքելություններում, ինչին Վրաստանի կառավարությունն արդեն իսկ տվել է իր սկզբունքային համաձայնությունը:
