Միջազգային նոր սկանդալ. ԱՄՆ հատուկ ծառայությունները հնարավոր է գաղտնալսել են Մերկելի բջջայինը
ԱՄՆ հատուկ ծառայությունները հնարավոր է, որ գաղտնալսել են Գերմանիայի կանցլեր Անգելա Մերկելի հեռախոսազրույցը: Այդ մասին չորեքշաբթի հայտարարել է Գերմանիայի կառավարության ներկայացուցիչը, հաղորդում է Reuters-ը:
Մերկելը հեռախոսազրույց է ունեցել ԱՄՆ նախագահ Բարաք Օբամայի հետ եւ պահանջել է անհապաղ պարզաբանել իրավիճակը: Նա նաեւ նշել է, որ եթե տեղեկատվությունը հաստատվի, ապա դա «անընդունելի է»:
Սպիտակ տան մամուլի քարտուղար Ջեյ Քարնին շտապել է հերքել դա` հայտարարելով, որ ԱՄՆ հատուկ ծառայությունները չեն գաղտնալսել կանցլերին:
Ավելի վաղ Վաշինգտոնից պարզաբանում էր պահանջել Ֆրանսիայի նախագահ Օլանդը` Ֆրանսիայի քաղաքացիներին գաղտնալսելու վերաբերյալ:
