Վենեսուելայի նախագահը երկրից վտարում է ամերիկացի երեք դիվանագետի
Ռուսական РИА Новости լրատվական գործակալության փոխանցմամբ՝ Վենեսուելայում ԱՄՆ գործերի ժամանակավոր հավատարմակատարը գլխավորում է այն երեք դիվանագետների ցանկը, որոնց երկրի նախագահ Նիկոլաս Մադուրոն կարգադրել է երկու օրվա ընթացքում վտարել երկրից: Այս մասին հայտնել են վենեսուելական ԶԼՄ-ները:
Մադուրոն երեկ հայտարարել է ամերիկացի երեք դիվանագետի վտարելու մասին, որոնք Կարակասի տվյալներով՝ մասնակից են Վենեսուելայի էլեկտրոմատակարարման համակարգի հանդեպ խափանարար գործողություն ձեռնարկելուն:
Ավելի ուշ վենեսուելական ԶԼՄ-ները հրապարակել էին դիվանագետների անունները՝ Կելի Կեյդերլինգ, Էլիզաբեթ Հանդերլանդ (այլ տվյալներով՝ Էլիզաբեթ Հոֆման) և Դևիդ Մու: Վենեսուելայի ԱԳՆ-ի կայքում դեռ չեն հրապարակվել արտաքսման ենթակա դիվանագետների անունները:
