ԱՄՆ Սենատի կոմիտեն հավանության է արժանացրել Սիրիայի նկատմամբ ուժի կիրառումն արտոնող բանաձեւի նախագիծը
ИТАР-ТАСС –ի փոխանցմամբ` ԱՄՆ Սենատի միջազգային հարցերով կոմիտեն չորեքշաբթի հավանության է արժանացրել Սիրիայի նկատմամբ ռազմական ուժի կիրառումն արտոնող բանաձեւի նախագիծը: Սա նշանակում է, որ փաստաթուղթը կներկայացվի քննարկման Սենատի լիագումար նիստում:
Քննարկումների ժամանակ ԱՄՆ պետքարտուղար Ջոն Քերին հայտարարել էր, թե բացի Ֆրանսիայից, առանց ՄԱԿ ԱԽ-ի մանդատի Սիրիայում ռազմական գործողությունների իրականացմանը աջակցում են Եվրամիության եւս վեց երկիր` Դանիան, Խորվաթիան, Ռումինիան, Հունաստանը, Լատվիան եւ Կիպրոսը, հաղորդում է РИА Новости-ն:
