Սիրիական ընդդիմությունը վերջնագիր է ներկայացրել Ասադին
Ռուսական Риа Новости լրատվական գործակալության փոխանցմամբ` սիրիական ընդդիմության գլխավոր առաջնորդներից Մուազ ալ-Հաթիբը նախագահ Բաշար Ասադին կոչ է արել հրաժարական տալ 20 օրվա ընթացքում և ընտանիքի հետ լքել Սիրիայի սահմանները:
Ընդդիմության կարծիքով` դա ամենահարմար եղանակն է վերջ դնելու համար ավելի քան երկու տարի ընթացող արյունահեղ հակամարտությանը: Ասադին առաջարկվումէ իշխանությունը հանձնել վարչապետին կամ փոխնախագահին և 500 հարազատների ու մերձավորների հետ միասին լքել երկիրը:
Հիշեցնենք, որ սրանից առաջ Բաշար Ասադը քանիցս հայտարարել է, որ մտադիր չէ հրաժարական տալ:
