Զինծառայողը կրակելու համար կալանավորվել է
Ինչպես տեղեկացրել էինք՝ օրեր առաջ միջադեպ էր գրանցվել Գեղարքունիքի մարզի Մարտունու N զորամասում: Ըստ նախնական վարկածի, Ժամկետային զինծառայող Միշա Խուդավերդյանն իրեն ամրակցված ավտոմատից կրակել է պայմանագրային զինծառայող Կամո Ավագյանի ուղղությամբ:
ժամկետային զինծառայողին զայրացրել է այն փաստը, որ պայմանագրային զինծառայող Կամո Ավագյանը հրամանատարին զեկուցագիր է գրել՝ հերթապահության ժամանակ մաքրությունը չպահպանելու վերաբերյալ:
Ըստ «Փաստինֆոյի»՝ փաստի առթիվ հարուցվել է քրեական գործ ՀՀ քրեական օրենսգրքի 34-104-րդ հոդվածի 1-ին մասով: ՊՆ քննչական ծառայության ավագ սպա Մերի Սարգսյանի տեղեկացմամբ՝ Մ. Խուդավերդյանը կալանավորվել է:
