Թուրքիան ցանկանում է կոմերցիոն պայմանագրեր կնքել «քրդական գազի ու նավթի» արդյունահանման մասին
Բրիտանական Reuters լրատվական գործակալության փոխանցմամբ՝ Թուրքիան պլանավորել է Հյուսիսային Իրաքում գործունեություն ծավալած ռուսական ու ամերիկյան ընկերությունների հետ կոմերցիոն պայմանագրեր կնքել տարածաշրջանում նավթի ու գազի հետախուզման և արդյունահանման մասին:
Այս մասին հայտարարել է Թուրքիայի էներգետիկայի ու բնական պաշարների նախարար Թաներ Յըլդըզը. «Հավանաբար, մենք ռուսական ու ամերիկյան ընկերությունների հետ համատեղ գործունեություն կծավալենք Իրաքի հյուսիսում նավթի ու գազի հետախուզման ոլորտում իրականացվող տարբեր նախագծերի շուրջ:
Այս տարի թուրքական բազմաթիվ ընկերություններ, թե՛ պետական, թե՛ մասնավոր կարող են կոմերցիոն պայմանագրեր կնքել Հյուսիսային Իրաքի իշխանությունների հետ՝ տարածաշրջանում համատեղ գործունեություն ծավալելու համար»:
Հիշեցնենք, որ Թաներ Յըլդըզը նոր է վերադարձել ԱՄՆ-ից՝ գտնվելով վարչապետ Ռեջեփ Էրդողանի պատվիրակության կազմում:
