Ադրբեջանցի խաղաղապահներն Աֆղանստանում կմնան նաև 2014 թվականից հետո
Ադրբեջանական Trend լրատվական գործակալության փոխանցմամբ՝ ադրբեջանցի խաղաղապահներն Աֆղանստանում կմնան նաև 2014 թվականից հետո: Դրանով իսկ Ադրբեջանը դարձավ 8-րդ երկիրը, ով հաստատեց նաև 2014 թվականից հետո Աֆղանստանում իր ներկայությունը:
Այս մասին այսօր լրագրողների հետ զրույցում հայտարարել է ՆԱՏՕ-ում Ադրբեջանի դեսպան Խազար Իբրահիմը: Վերջինիս խոսքերով՝ 2014 թվականից հետո Ադրբեջանը կնվազեցնի Աֆղանստանում իր կոնտինգենտը, կփոխվի առաքելության անվանումն ու էությունը:
Նա հավելել է, որ պատրաստվելու է նոր հայեցակարգ՝ նախատեսված օպերացիաների համար: Դիվանագետն ընդգծել է, որ Ադրբեջանի օդային տիրույթը բաց է Աֆղանստանից բեռների փոխադրման համար: Ներկայումս այդ գործընթացում Ադրբեջանի մասնաբաժինը կազմում է 35 տոկոս:
