Իրանի ՆԳՆ-ը հայտնել է հաստատում ստացած նախագահի թեկնածուների անունները
Իրանական IRNA լրատվական գործակալության փոխանցմամբ՝ Իրանի ՆԳՆ-ը հայտարարել է Պահապանների խորհրդի կողմից հաստատում ստացած նախագահի թեկնածուների անունները:
Նախագահի թեկնածուներ են դարձել Ղուլամ Ալի Խադդադ Ադելը, Սաիդ Ջալիլին, Մոհսեն Ռեզաին, Հասան Ռուհանին, Մոհամեդ Ռեզա Արեֆը, Մոհամադ Բագեր Կալիբաֆը, Մոհամադ Գարազին և Ալի Աքբար Վելայաթին:
Այս մասին հայտարարել է Իրանի ընտրական հանձնաժողովի ղեկավար, ներքին գործերի փոխնախարար Սոլատ Մորթազավին: Իրանում նախընտրական կամպանիան ավարտվելու է հունիսի 12-ին, իսկ հունիսի 14-ին տեղի կունենան նախագահական ընտրություններ:
