Վրացի պատգամավորի աշխատասենյակում այրել են Սաակաշվիլիի նկարը
Новости-Грузия լրատվական գործակալության փոխանցմամբ՝ Վրաստանում իշխող «Վրացական երազանք» դաշինքի ակտիվիստները երեկ ներխուժել են նախկինում իշխող Միասնական ազգային շարժում (ՄԱՇ) կուսակցության պատգամավոր Դավիթ Ճավճանիձեի աշխատասենյակ և այրել են նախագահ Միխեիլ Սաակաշվիլիի նկարը:
Ակցիայի մասնակիցները նախագահի նկարը պոկել են Ճավճանիձեի կաբինետի պատից և այրել են այն՝ ՄԱՇ-ի խորհրդանշանի հետ մեկտեղ: «Վրացական երազանքի» ակտիվիստները պահանջել են, որ ՄԱՇ-ի անդամները լքեն այն շենքը, որում աշխատում են նրանք:
