Վթարի հետևանքով «Samand»-ը շրջվել է. կա վիրավոր
Այսօր՝ ապրիլի 29-ին, ավտովթար է տեղի ունեցել Երևանում: Ժամը 15:40-ի սահմաններում Ռոստովյան և Մուրացան փողոցների խաչմերուկում բախվել են 60-ամյա Ալեքսանդր Այվազյանի վարած «Opel Omega» մակնիշի՝ 13 ԼՏ 419 և 39-ամյա Միքայել Բագրազյանի վարած «Samand» մակնիշի՝ 29 ՍԼ 312 համարանիշի ավտոմեքենաները:
Ինչպես վթարի վայրից հայտնում է ֆոտոլրագրող Գագիկ Շամշյանը, հարվածի հետևանքով «Samand»-ը կողաշրջվել է: Վթարի վայր են ժամանել ճանապարհային ոստիկանության 1-ին սպայական գումարտակի 2-րդ դասակի տեսուչները:
Վթարի հետևանքով «Opel»-ի ուղևորը բուժօգնություն ստանալու նպատակով դիմել է
Էրեբունի բժշկական կենտրոն:
Արդեն վթարի վայր է ժամանել ոստիկանության քննչական գլխավոր վարչության ճանապարհատրանսպորտային հանցագործությունների քննության բաժնի քննիչը: Ոստիկանությունը պարզում է վիրավոր անձի ինքնությունը:
Տեղում են նաև ապահովագրական ընկերությունների ներկայացուցիչները:
Լուսանկարը՝ Գագիկ Շամշյանի
