Գագիկ Ծառուկյանի «ինադու». մամուլ
«Սերժ Սարգսյանի երդմնակալությանը ՀՀ Սահմանադրության մայր օրինակը դահլիճ տարավ ՍԴ անդամ Արևիկ Պետրոսյանը»,- գրում է «Ժողովուրդ» օրաթերթն ու հավելում.
«Ըստ պաշտոնական մեկնաբանության` Ա. Պետրոսյանին է այս գործը վստահվել, քանի որ նա ՍԴ միակ կին անդամն է: Քաղաքական շրջանակները, սակայն, համոզված են, որ այստեղ կա նաև մեկ այլ ենթատեկստ. Արևիկ Պետրոսյանը նախկինում ԲՀԿ-ական էր, ԱԺ փոխնագահը: Սակայն հենց ԲՀԿ ճնշմամբ նա հրաժարական տվեց, որոշ ժամանակ անց դարձավ ՍԴ անդամ` դադարացնելով իր անդամակցությունը ԲՀԿ-ին:
Եվ ահա շատերը համոզված են, որ իշխանությունները իմանալով, որ երդմնակալությանը ԲՀԿ նախագահ Գագիկ Ծառուկյանն իր քաղաքական թիմով չի մասնակցելու, հենց Արևիկ Պետրոսյանին են գործուղել` նրա «ինադու»»:
