Վարդան Ղուկասյանը վա-բանկ է գնում. մամուլ
«Դատելով Գյումրիում կատարված վերջին իրադարձություններից, Վարդան Ղուկասյանը որոշել է վա-բանկ գնալ և յուրօրինակ շանտաժով իշխանություններից տեղ պոկել արևի տակ: Դրա մասին է խոսում այն, որ նրանց պատկանող երթուղիներից մեկը թանկացրել է ուղեվարձը հենց ապրիլի 2-ին՝ Րաֆֆի Հովհաննիսյանի Գյումրի կատարած այցի օրը, նախագահի երդմնակալությունից մի քանի օր առաջ»,- գրում է «Հրապարակ» օրաթերթն ու հավելում.
«Հնարավոր է, որ Ղուկասյանը փորձում է սոցիալական բունտի նման մի բան հրահրել՝ առաջնորդվելով ինչքան վատ, այնքան լավ կարգախոսով, կամ էլ հասկանում է, որ իրեն երկար չեն հանդուրժելու, և փորձում է Գյումրիից՝ որքան հնարավոր է շատ փող քամել: Թե որ տարբերակն է, կերևա մոտ ապագայում»:
