Թուրքիան լրջորեն շահագրգռված է Վրաստանի տարածքային ամբողջականության վերականգնմամբ. Ուսուպաշվիլի
Грузия Online-ի փոխանցմամբ՝ Թուրքիան լրջորեն շահագրգռված է Վրաստանի տարածքային ամբողջականության վերականգնմամբ: Այս մասին այսօր վրացի ուսանողների հետ Թուրքիայի դեսպանի հանդիպումից հետո լրագրողներին հայտարարել է Վրաստանի խորհրդարանի նախագահ Դավիթ Ուսուպաշվիլին:
Վերջինիս խոսքերով՝ Վրաստանի տարածքային ամբողջականության վերականգնման դեպքում տարածաշրջանը բոլոր տեսանկյուններից կդառնա առավել գրավիչ, և Թուրքիան շահագրգռված է դրանում.
«Մենք քննարկում ենք Թուրքիայի օգնությունը ՆԱՏՕ-ին (Վրաստանի) ինտեգրվելու ճանապարհին: Հենց դրա վրա է կենտրոնացվել ուշադրությունը Թուրքիայի արտգործնախարարի (վրացական) այցի ժամանակ, և մենք ակնկալում ենք նրանց աջակցությունը:
Մենք խոսում ենք, որ Թուրքիան լրջորեն շահագրգռված է Վրաստանի տարածքային ամբողջականության վերականգնմամբ և հակամարտությունների կարգավորմամբ»:
