2022 թվականի սեպտեմբերի 13-ին, երբ Ադրբեջանի զինված ուժերը ռազմական գործողություններ իրականացրեցին Հայաստանի Սյունիքի, Գեղարքունիքի և Վայոց ձորի ուղղություններով, մի շարք բնակավայրեր վնասներ կրեցին, զոհվեցին զինծառայողներ և քաղաքացիական անձինք։ Վնասվել էր նաև առողջարանային քաղաք Ջերմուկը, հարձակման պահին քաղաքում գտնվող բազմաթիվ օտարերկրյա զբոսաշրջիկներ տարհանվեցին։
Սեպտեմբերի 28-ին՝ ժամը 18:00-ից սկսած, Ադրբեջանի ԶՈւ ստորաբաժանումները, ականանետերի և խոշոր տրամաչափի հրաձգային զինատեսակների կիրառմամբ, կրակ են բացել հայ-ադրբեջանական սահմանի արևելյան ուղղությամբ տեղակայված մարտական դիրքերի ուղղությամբ:
Վայոց ձորի Ջերմուկ համայնքում իրավիճակը և երեկ գիշերը, և այսօր առավոտյան հանգիստ է։ Այս մասին 168.am-ի հետ զրույցում ասաց Ջերմուկի փոխհամայնքապետ Վարդան Սարգսյանը։