Մարտի 13-ին Նիկոլ Փաշինյանը ՔՊ նիստից առաջ լրագրողների հետ զրույցում հաստատել էր Ադրբեջանի ԱԳ նախարարի հայտարարությունը, որ «խաղաղության պայմանագրի» շուրջ բանակցություններն ավարտվել են և համաձայնեցվել են բոլոր 17 կետերը։ Մինչ այդ, երկու երկրների իշխանությունները տարբեր մակարդակներով հայտարարում էին, որ Հայաստանն ու Ադրբեջանը համաձայնության չեն գալիս 2 կետերի շուրջ, ըստ այդմ էլ, երկուստեք բազմաթիվ առաջարկներ էին փոխանցում միմյանց։
«Մենք ունենք բազմաթիվ պահանջներ, որոնք կարող ենք տարբեր ինստիտուտներով բարձրաձայնել: Հասկանում եմ, որ ռեսուրսների պակաս ունենք: Սփյուռքում ունենք այդ ռեսուրսը, բայց արդեն քանի տարի Սփյուռք և պետություն համագործակցությունը տեղի չի ունենում: Մեկ իրավաբանը Սփյուռքում, որն ինքնակամ գործողություն է կատարում ՀՀ շահերի համար, դառնում է թիրախ թուրքական և ադրբեջանական համայնքների համար, և այդ անձի անվտանգությունը դրվում է հարցականի տակ: Ես կասկածում եմ, որ Հայաստանի Հանրապետությունն այդ անձին պաշտպանելու նպատակով որևէ գործողություն կիրականացնի: Ադրբեջանում հակառակն է»:
Հայաստանից միջպետական հայցերից կամ գանգատներից հրաժարվելու պահանջի ֆոնին Ադրբեջանում որոշել են դիվանագիտական ծառայություններին նոր գործառույթներ վերապահել:
Իմ պրակտիկայում չի եղել, որ պետությունները միմյանց դեմ ներկայացրած հայցերը հետ վերցնեն, որովհետև նման իրավիճակ երբեք չի եղել, իսկ անհատական մակարդակում՝ անձ և պետություն, ասենք՝ ընդդեմ Հայաստանի, բազմաթիվ գործեր կան, որ կողմերը պայմանավորվել են՝ հայցվորը համաձայնել է հաշտության, և ի վերջո գործը կարճվել է։ Հաշտության պայմանագիրն էլ գաղտնի է մնում, նման բազմաթիվ գործեր կան, Եվրոպական դատարանը նման ընթացակարգ ունի և, մեծ հաշվով, սա դատարանին ձեռնտու է, քանի որ գործերի քանակը նվազում է»,- հավելեց մեր զրուցակիցը։
«Այս դատարանում մենք ունենք բացառապես ադրբեջանական հայցեր ընդդեմ Հայաստանի, որոնք նախաձեռնվել են 2023 թվականին։ Դրանց հիմքում դրված են կոնվենցիաներ՝ մասնավորապես, Էներգետիկ խարտիայի պայմանագիրը և Բեռնի կոնվենցիան, որն առնչվում է բնապահպանական հարցերին»,- ասաց իրավապաշտպանը՝ պարզաբանելով, որ հիմնական խնդիրը վերաբերում է վնասի փոխհատուցմանը։
ՀՀ արդարադատության նախարար Գրիգոր Մինասյանն այսօր խորհրդարանում լրագրողների հետ ճեպազրույցի ժամանակ չմեկնաբանեց Ադրբեջանի կողմից 18 տավուշցիների նկատմամբ հայտարարած հետախուզման վերաբերյալ հարցը, ընդգծելով՝ եթե լինեն իրավական գործընթացներ, ապա Հայաստանի միջազգային իրավական հարցերով գրասենյակը համապատասխան միջոցներ կձեռնարկի միջազգային հարթակներում Հայաստանի իրավունքները պաշտպանելու համար։
