«Մեր իրավապահ մարմինների համակարգն այսօր ակնհայտորեն չունի անկախություն և վերածվել է իշխող քաղաքական ուժի կամակատարի»,- այսպես գնահատեց Հայաստանում այսօր գործող իրավապահ համակարգն «Իրավական ուղի» ՀԿ համահիմնադիր, իրավապաշտպան, փաստաբան Ռուբեն Մելիքյանը «Իրավական տեռոր՝ կենսական վտանգների շեմին» քննարկման ժամանակ: Նա նաև ընդգծեց մեկ այլ հետաքրքիր բնութագրիչ՝ իրավապահ մարմինները ոչ թե պարզապես իշխող քաղաքական ուժի կամակատար են դարձել, այլ դարձել են քաղաքական բլոկի կամակատար։
