Հայկական ծաղիկներն արտահանվել են ԱՄԷ
Հայկական ծաղիկներն արդեն արտահանվում են Արաբկան Միացյակ Էմիրություններ։
Այս մասին տեղեկացրել է Հայաստանի Հանրապետության Էկոնոմիկայի նախարար Գևորգ Պապոյանը՝ «Ֆեյսբուք»-ի իր էջում կատարած գրառման միջոցով։
«Հայկական ծաղիկները մտան ԱՄԷ շուկա, մասնավորապես Դուբայ։ Այս գործը «գլուխ բերելու» համար հատուկ շնորհակալություն ԱՄԷ-ում ՀՀ դեսպանի տնտեսական գծով խորհրդական Հայկ Մխիթարյանին»,- գրել է նախարարը՝ կից հրապարակելով լուսանկարներ։
Ռուսաստանի Ռոսսելխոզնադզորը մայիսի 22-ից ժամանակավոր սահմանափակումներ է մտցրել Հայաստանից ծաղկային արտադրանքի ներմուծման վրա։
Հայաստանի էկոնոմիկայի նախարարի տեղակալ Արման Խոջոյանը հուլիսի 16-ին հանդիպել է Արաբական Միացյալ Էմիրությունների գործարար պատվիրակության հետ, որ ընթացքում քննարկվել են Հայաստանից Արաբական Միացյալ Էմիրությունների շուկա նաև ծաղիկների արտահանման հնարավորություններին առնչվող հարցեր։
