168.am-ը հուլիսի 25-ին գրավոր հարցում էր ուղարկել Կենտրոնական բանկի նախագահ Մարտին Գալստյանին՝ ճշտելու՝ արդյո՞ք աշխատանքից ազատվել է Կենտրոնական բանկի գործադիր կոմիտեի անդամ Արա Չալաբյանը։
Այսօր հասարակական-քաղաքական գործիչ Ավետիք Չալաբյանի գործով երկրորդ դատական նիստի օրն է: Վերջինս այս պահին ազատության մեջ է: Դատական նիստը, սակայն, հետաձգվեց. Ավետիք Չալաբյանը ճնշման խնդիր ունի:
Այսօր Երևանի Ընդհանուր իրավասության դատարանի Կենտրոնի նստավայրում՝ դատավոր Մնացական Մարտիրոսյանի նախագահությամբ, տեղի է ունենում հասարակական-քաղաքական գործիչ Ավետիք Չալաբյանի գործով երկրորդ դատական նիստը: Առաջինը տեղի ունեցավ երեկ:
«Երեք կարևոր արձանագրում եմ ուզում անել: Առաջին՝ Ավետիք Չալաբյանի գործին առնչվող այս ապօրինությունները ևս մեկ անգամ ապացուցում են, որ ՀՀ-ում խախտված է սահմանադրական կարգը, և մեկ անձի կողմից իշխանության բոլոր թևերի իրավազորությունները ուզուրպացված են»,- այսօր հասարակական-քաղաքական գործիչ Ավետիք Չալաբյանի փաստաբանական թիմի և ընկերների համատեղ ասուլիսում ասաց «Համախմբում» շարժման անդամ, ԵՊՀ դոցենտ Մենուա Սողոմոնյանը:
«Բավականին բուռն և հանգամանալից դատական քննություն տեղի ունեցավ, երկու օր: Մենք մանրամասն անդրադարձանք հիմնավոր կասկածին, հիմնավորեցինք, որ հիմնավոր կասկածի ապացուցողական շեմը ոչ միայն կալանավորման սկզբնական շրջանի համեմատ չի բարձրացել, այլ նվազել է: Անդրադարձանք նաև նախաքննական մարմնի պատշաճ ջանասիրության հարցին, հիմնավորեցինք, որ նախաքննության ընթացքում քննիչն ընդհանրապես պատշաճ ջանասիրություն չի ցուցաբերել»:
