Արդեն տեղեկացրել ենք, որ քիչ առաջ կրակոցներ են հնչել ՊՊԾ գնդում: Իրավապահների կրակոցներից վիրավորվել է ՊՊԾ գնդում գտնվող երկու անձ՝ դարձյալ ոտքերից: Նրանց տեղափոխել են «Էրեբունի» բժշկական կենտրոն:
ՊՊԾ գնդում իրավապահների կրակոցներից վիրավոր երկու տղաներին տեղափոխել են «Էրեբունի» բժշկական կենտրոն: Մեր տեղեկություններով՝ նրանք դարձյալ ոտքերից են վիրավորվել:
«Թեև քրեական գործերը հարուցված են Քրեական օրենքի 219 և 235 հոդվածներով՝ շենքեր-շինություններ գրավելը, զավթելը, ապօրինի զենք-զինամթերք ձեռք բերելը, պահելը, փոխադրելը, սակայն վաղ է խոսել որևէ արարքի իրավական վերջնական գնահատականի մասին», – ասել է Կոստանյանը՝ նշելով, որ, օրինակ, քրեական գործի հարուցման պահին դեռևս անհայտ էին բազմաթիվ փաստեր, որոնք հայտնի դարձան հարուցմանը հաջորդած օրերի ընթացքում, որոնք այլ իրավական գնահատականի հիմք են հանդիսանում։
Այսօր «Հիմնադիր խորհրդարանի» և «Սասնա ծռեր» զինյալ խմբի համախոհների հանրահավաքը կրկին նախատեսվում է Ազատության հրապարակում: 168.am-ի հետ զրույցում հակաճգնաժամային համակարգող խորհրդի անդամ, «Ժառանգություն» խմբակցության փոխնախագահ Արմեն Մարտիրոսյանը հայտնեց, որ դեռ պարզ չէ՝ ով կինի հարթակում:
«Տեղեկացրել էինք, որ խախտելով իրավապահների պահանջը՝ ՊՊԾ գնդի տարածքից կրակահերթեր են արձակվել: Տեղեկացրել էինք նաև, որ վիրավորվել է զինված խմբի անդամ Արայիկ Խանդոյանը: Գնդի տարածքից կրակահերթերը շարունակվել են: Իրավապահների պատասխան կրակից վիրավորվել են կրակոց արձակողներից ևս երկուսը: Նրանց ցուցաբերվում է պատշաճ բուժօգնություն»:
Հեռախոսազրույց Վարուժան Ավետիսյանի հետ. «Սիվիլնեթ»
«Սասնա Ծռեր» խմբավորումը քիչ առաջ տեղեկություն է տարածել այն մասին, որ կրկին կրակոցներ են հնչում ՊՊԾ գնդում:
«Չնայած իրավապահների պահանջին՝ ՊՊԾ գնդի տարածքում գտնվողները պարբերաբար կրակահերթեր են արձակում, ինչին իրավապահների կողմից պատասխան է տրվում»:
Վերջին օրերին Խորենացի փողոցում, ապա և Ազատության հրապարակում կազմակերպվող հավաքներին մասնակցում են նաև անչափահասներ: Նման միջոցառումներին նրանց հետագա մասնակցության դեպքում չի կարելի անտեսել հնարավոր վտանգները:
«Մեր ունեցած տեղեկություններով՝ ՀՀ ոստիկանության ՊՊԾ գնդում պատանդառված բժիշկներն առաջին բուժօգնություն են ցուցաբերել զինյալ խմբի վիրավորված անդամին։ Խնդրում եմ զերծ մնալ չստուգված, չհաստատված լուրերից և հետևել պաշտոնական հաղորդագրություններին»:
Քիչ առաջ ՀՔԱ Վանաձորի գրասենյակ ահազանգեց Արմենակ Կյուրեղյանը՝ հայտնելով, որ քաղաքացիական հագուստով անձինք, որոնք ներկայացել են որպես ոստիկանության Արաբկիրի բաժնի աշխատակիցներ, առանց որևէ հիմնավորման և որևէ փաստաթուղթ ներկայացնելու, սպիտակ մեքենայով տարել են Ալբերտ Բաղդասարյանին:
«Ժողովուրդ, անկախ նրանից, թե մեզնից ում են տանում ու ինչքան են պահում, բոլորս պետքա դուրս գանք փողոց… Հերիքա մտածենք սեփական կաշվի մասին… Երկրի անվտանգությունը վտանգված է, «Սասնա ծռերի» տղերքի կյանքը վտանգի տակ է, իրար էկեք… Դուրս էկեք փողոց… 19:30-ին հավաքվում ենք Ազատության հրապարակում»,- ֆեյսբուքյան իր էջում գրում է նա:
«Սասնա Ծռեր» խմբավորումը ֆեյսբուքյան իր էջում հաղորդագրություն է տարածել, որում ասված է. «Արայիկ Խանդոյանը ոսկրի վիրավորում չի ստացել: Մկանային վիրավորում է: Բանակցությունները չեն շարունակվում»:
«Եթե ասում են՝ դասեր պետք է քաղենք, ես շատ կուզեի իմանալ, թե այդ ո՞ր դասերի մասին է խոսում Հերմինե Նաղդալյանը, կամ նախագահը: Եթե դա վերաբերում է միայն ուժային կառույցներին, որոնք թույլ են տվել, որ նման իրավիճակ ստեղծվի ՊՊԾ գնդում, ուրեմն` դա դասեր քաղել չէ: Ամենակարևորն ընդհանուր երկրի վիճակն է: Այսօրվա իշխանությունները պատանդ են այն համակարգին, որն իրենք ստեղծել են»:
ՀՀ մարդու իրավունքների պաշտպանի աշխատակազմի խոշտանգումների եւ վատ վերաբերմունքի կանխարգելման վարչության աշխատակիցներն Արամ Մանուկյանին տեսակցելու նպատակով կրկին այցելել են «Դատապարտյալների հիվանդանոց» քրեակատարողական հիմնարկ:
Ժամեր առաջ ազատ արձակված Լրագրողների «Ասպարեզ» ակումբի խորհրդի նախագահ Լևոն Բարսեղյանն ու նրա փաստաբան Հայկուհի Հարությունյանը հանդիպեցին լրագրողների հետ: Նախ՝ փաստաբանը նշեց, որ գործն ամբողջությամբ կարճվել է. «Նույն հիմքով գործ Լևոն Բարսեղյանի նկատմամբ այլևս չի կարող հարուցվել, ու նույն հիմքով նա այլևս երբեք չի ազատազրկվի»:
ՀՀ Ազգային անվտանգության ծառայությունը տեղեկացնում է, որ զինված խմբի կողմից ՀՀ ոստիկանության պարեկապահակային ծառայության (ՊՊԾ) գնդի տարածքի զավթման կապակցությամբ հարուցված քրեական գործի շրջանակներում օրենքով սահմանված կարգով իրականացված դատավարական գործողությունների և օպերատիվ-հետախուզական միջոցառումների շնորհիվ հայտնաբերվել են զինված խմբին հանցավոր օժանդակություն ցույց տվող նոր անձինք:
Ի խախտումն իրավապահների պահանջի՝ քիչ առաջ ՊՊԾ գնդի տարածքում կրակահերթեր են հնչել:
Ոստիկանության պարեկապահակային ծառայության գունդը գրաված զինված խմբի անդամ Պավել Մանուկյանի նկատմամբ կալանավորումը որպես խափանման միջոց ընտրելու միջնորդությունը բավարարելու որոշում դեռևս չկա:
Պաշտպանի աշխատակազմի ներկայացուցիչների ներկայությամբ ՁՊՎ-ի պետը Ա. Ենիգոմշյանին է հանձնել վերջինիս վերաբերող ինչպես անձնական, այնպես էլ դատավարական փաստաթղթեր՝ բրալյան գրով:
Քիչ առաջ «Առաջին լրատվական»-ի հետ զրույցում Վարուժան Ավետիսյանը հայտնեց, որ ոտքից վիրավորել են Արայիկ Խանդոյանին (Միայնակ գայլը): Նա նշել է, որ եթե այդպես շարունակվի իրենք նույնպես կդիմեն զենքի միջոցով ինքնապաշտպանության:
Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցն ասաց, որ քննարկում են, սա հրապարակային մտածողության ֆորմատ է։ «Հայաստանի Հելսինկյան կոմիտեի» նախագահ Ավետիք Իշխանյանն ասաց, որ հարթակից դրվում է նախագահի հրաժարականի պահանջը։ «Երկու կողմից գնում են փակուղի, մենք առաջարկում ենք մեղմ տարբերակ»,- ասաց նա։ Արթուր Սաքունցն էլ հավելեց, որ վստահություն ձևավորելու ուղղությամբ քայլեր կան՝ լարվածությունը թուլացնելու համար, ինչպես նաև՝ կարճաժամկետ քայլեր։
«Հիմնադիր խորհրդարանի» մամուլի քարտուղար Սյուզան Սիմոնյանը ֆեյսբուքյան իր էջում տեղեկություն է տարածել, որում ասված է. «Սարի թաղում արդեն տասը րոպե՝ կրակոցներ են լսվում, տեղեկացնում են բնակիչները»:
«Նման դեպքերում ձերբակալված անձանց մտերիմ մարդիկ, հարազատները, բարեկամները, ռուս բարեկամները մեզ են դիմում, ովքեր լսել են, որ Հայերի միություն կա, ովքեր անդամ են կամ անդամ չեն: Մենք, որպես կանոն, աջակցում ենք, քանի որ այստեղի Ոստիկանության հետ կապ ունենք, կարող ենք զանգահարել՝ ճշտել, աշխատակիցներ ունենք, որոնք, եթե պետք է, այլ քաղաք են մեկնում՝ այդ հարցերը լուծում են»:
Հուլիսի 31-ին՝ կիրակի օրը, ժամը 12:00 հավաքվում ենք Բանգլադեշում գտնվող Սուրբ Երրորդություն եկեղեցու մոտ, որպեսզի այցելենք Մարտակերտից տարհանված, Աբովյանում ապաստան գտած ընտանիքին, ով ունի մեր օգնության կարիքը:
Նրա դիտարկմամբ՝ տարիներ շարունակ ժողովրդի կարծիքն անտեսվել է. «Ժողովուրդը քամահրական վերաբերմունքի է արժանացել: Մարդիկ աշխատանք չունեն, ընտանիքները կիսված են, հազարավոր մարդիկ հեռացել են Հայաստանից: Արտագաղթն աղետ է երկրի համար, մեր երկիրը լուրջ խնդիրներ ունի: Այս ամենը վերլուծելուց հետո՝ մենք կարող ենք հասկանալ՝ ի՞նչ եղավ, ինչո՞ւ մարդիկ ըմբոստացան»:
«Սասնա ծռեր» խմբի անդամներ Արեգ եւ Սերգեյ Կյուրեղյանների հայրը՝ Արմենակ Կյուրեղյանը, այսօր լրագրողների հետ հանդիպման ժամանակ հայտարարել է, թե պատրաստ է միջնորդ դառնալ ՊՊԾ գնդում գտնվող անձանց և ՀՀ իշխանությունների միջև: Նա առաջարկում է իր օժանդակությունը՝ ասելով, թե որքան շատ մարդ ներգրավվի բանակցությունների մեջ, այնքան լավ: Նրա խոսքով՝ զենքերը վայր դնելու մասին կոչերով խնդիրը չի լուծվելու, պետք է բանակցել:
Հուլիսի 29-ին, ժամը 10.48-ին ահազանգ է ստացվել, որ Վայոց Ձորի մարզի Արենի-Խաչիկ միջհամայնքային ճանապարհի 9-րդ կմ-ում տեղի է ունեցել քարաթափում, առկա է հետագա քարաթափման վտանգ:
Հուլիսի 25-ից 29-ը հերթական այցով Երևանում էր գտնվում ԱՄՆ խորհրդատվական թիմը: Այցի նպատակն էր խորհրդատվություն տրամադրել Հայաստանի Հանրապետության պաշտպանության ռազմավարական վերանայման արդյունքների իրագործման հարցերում:
«Այդ միջազգային կազմակերպությունները, բժիշկները, որ վայնասուն են բարձրացրել, թե պատանդներ ենք այստեղ պահում, թող բարի լինեն հայտնել, որ այլ բժիշկներ են պատրաստակամություն հայտնել գալ այստեղ՝ իրենց պարտականությունը կատարելու»:
