Աշխարհ

Եվրամիությունը կշարունակի ամբողջ ծավալով կատարել Կլիմայի վերաբերյալ Փարիզի համաձայնագիրը, նույնիսկ եթե ԱՄՆ-ը դուրս գա դրանից, որն աշխարհում ջերմոցային գազերի արտանետումների խոշորագույն աղբյուրն է:

Լեհաստանը «խախտել է եվրոպական իրավունքի նորմաներն» իր դատական համակարգի բարենորոգման շրջանակում, մասնավորապես, Գերագույն դատարանի դատավորների կենսաթոշակային տարիքի նվազեցման հարցում:

ORSIS ընկերության ռազմական արտադրանքը, որով նա մասնակցելու էր ՀՀ ԶՈւ ձախողված տենդերին, բազմիցս հաջողությամբ փորձարկվել է հայ զինծառայողների կողմից և հարցեր չի առաջացրել տեղի մասնագետների կողմից։ Այս մասին «ՌԻԱ Նովոստի» գործակալությանն ասել է ընկերության պաշտոնական ներկայացուցիչը։

Երևանում ընթացող Հավաքական անվտանգության պայմանագրի կազմակերպության խորհրդարանական վեհաժողովի 12-րդ լիագումար նիստում Ռուսաստանի Դաշնության Պետական դումայի խոսնակ Վյաչեսլավ Վոլոդինը վերընտրվեց ՀԱՊԿ ԽՎ նախագահի պաշտոնում: Այս մասին որոշումն ընդունվեց միաձայն:

«Ռուսաստանը զենք է վաճառում ոչ միայն Ադրբեջանին, այլև վաճառում է դաշնակիցներին ու գործընկերներին։ Դաշնակիցների մեջ մտնում է նաև Հայաստանը, որին ավելի շատ զենք է վաճառում, վաճառվում են այնպիսի զենքեր, որոնք մյուս երկրներին չեն տրամադրվում։ Կարծում եմ՝ այս հարցում Ռուսաստանից զինատեսակների մատակարարման համար նեղանալը «մեղք է»,- այս մասին լրագրողների հետ զրույցում ասաց ՌԴ Պետդումայի՝ ԱՊՀ, Եվրասիական ինտեգրացիայի և հայրենակիցների հետ կապերի կոմիտեի ղեկավար Լեոնիդ Կալաշնիկովը՝ անդրադառնալով ՌԴ-ի կողմից Ադրբեջանին զենք վաճառելու մասին հարցին:

«ՀԱՊԿ անդամ երկրները հստակ պատկերացնում են ահաբեկչության վտանգը և կարևորում են ահաբեկչական գործողությունների կանխարգելմանն ուղղված քայլերը։ Կարծում եմ՝ յուրաքանչյուր երկիր, այդ թվում՝ նաև Ռուսաստանը, ունեն իրենց խնդիրն ահաբեկչության դեմ պայքարի հարցում։ Ինչպես գիտեք, մենք Սիրիայում ենք գործողություններ իրականացնում, այդ թվում՝ ահաբեկչության ներփաթանցումը ՀԱՊԿ անդամ երկրներ կանխարգելելու նպատակով։ Կարծում եմ՝ բոլոր երկրների ղեկավարները շահագրգռված են այդ վտանգը կանխելու հարցում»,- Պաշտպանության նախարարությունում ՀԱՊԿ Խորհրդարանական վեհաժողովի 12-րդ լիագումար նիստից առաջ ասաց ՌԴ Պետդումայի պատգամավոր Կոնստանտին Զատուլինը:

ՌԴ Պետդումայի պատգամավոր, ԱՊՀ երկրների ինստիտուտի տնօրեն Կոնստանտին Զատուլինն այսօր Պաշտպանության նախարարությունում անդրադառնալով Հայաստանի սահմանին հնչող կրակոցներին՝ նշեց, որ դրանց վերաբերյալ հայկական կողմն իրենց պաշտոնապես ոչինչ չի ասել, եթե տեղյակ պահեր, ապա այդ հարցը կքննարկեին:

Վաշինգտոնը եւ Պեկինը քննարկում են ավելի վաղ սահմանված փոխադարձ մաքերի մի մասը չեղարկելու հնարավորությունը՝ առեւտրի ոլորտում վիճելի հարցերի լուծման համար:

Մեծ Բրիտանիայի վարչապետ Բորիս Ջոնսոնը դեկտեմբերի ընտրություններում հաղթելու դեպքում անմիջապես խորհրդարանի քննարկմանը կներկայացնի Brexit-ի վերաբերյալ ԵՄ-ի հետ ձեռք բերված համաձայնագիրը:

 Չինաստանի եւ Միացյալ Նահանգների միջեւ առեւտրական համաձայնագիրը պետք է հաշվի առնի երկու երկրների, ինչպես նաեւ նրանց գլխավոր գործընկերների, ներառալ Ֆրանսիայի եւ Եվրամիության մյուս երկրների շահերը:

ԱՄՆ-ն Իրանի կողմից ուրանի հարստացման համար նոր ցենտրիֆուգների գործարկումը համարում է միջուկային շանտաժ եւ փորձ՝ ստիպելու Գործողությունների համատեղ համապարփակ ծրագրի (ԳՀՀԾ) եվրոպական մասնակիցներին՝ գնալ զիջումների:

 ԱՄՆ-ը նոյեմբերի 4-ին գործարկել է Կլիմայի փարիզյան համաձայնագրին իր մասնակցության դադարեցման պաշտոնական գործընթացը:

Հյուսիսատլանտյան դաշինքի գլխավոր քարտուղար Ենս Ստոլտենբերգը «1+1» հեռուստաալիքին տված հարցազրույցում հայտարարել է, որ Ուկրաինան կանդամակցի ՆԱՏՕ-ին։

ԱՄՆ-ի նախագահ Դոնալդ Թրամփը հայտնել է, որ շուտով Սպիտակ տուն կբերեն այն շանը, որին օգտագործել են «Իսլամական պետություն» (ԻՊ) ահաբեկչական խմբավորման պարագլուխ Աբու Բաքր ալ Բաղդադիի ոչնչացման գործողության ժամանակ։

ԱՄՆ-ի բնակիչների կեսից ավելին աջակցություն է հայտնել երկրի նախագահ Դոնալդ Թրամփի իմպիչմենթի ընթացակարգ սկսելուն: Այս մասին վկայում է հասարակական կարծիքի հարցումը, որն անցկացվել է WSJ-ի եւ NBC-ի պատվերով:

Թեհրանի նկատմամբ Վաշինգտոնի նոր պատժամիջոցները խոսում են նրա հուսահատության եւ իր նպատակներին դիվանագիտությամբ հասնելու անկարողության մասին: Այս մասին հայտարարել է Իրանի ԱԳ նախարարության պաշտոնական ներկայացուցիչ Աբաս Մուսավին:

«Թեպետ մենք չենք սնում վրեժխնդրության որևէ զգացմունք հանցագործների հանդեպ, սակայն մենք չենք կարող մեզ թույլ տալ անգամ մի պահ մոռանալ այն, ինչ տեղի է ունեցել: Այդ փորձառության հիշողությունն ու հուշերն են, որ ստիպում են մեզ առաջ մղել «այլևս երբեք»-ի սկզբունքը: Նահատակվելու այս իրողությունը ներծծված է երկու վայրագ ցեղասպանությունների զոհերի արյան մեջ, մի կողմից՝ Հայոց ցեղասպանության, իսկ մյուս կողմից՝ Պոնտոսի հույների ցեղասպանության»:

Նոյեմբերի 4-ի երեկոյան Մեծ Բրիտանիայի խորհրդարանի Համայնքների պալատի նոր խոսնակ է ընտրվել սըր Լինդսի Հոյլը, որն ավելի վաղ զբաղեցրել է փոխխոսնակի պաշտոնը:

Արևելյան գործընկերության 10-ամյակին նվիրված նախարարական երկխոսությանը մասնակցելու նպատակով նոյեմբերի 4-ին ԱԳ նախարար Զոհրաբ Մնացականյանի՝ Ստոկհոլմ կատարած աշխատանքային այցը մեկնարկեց Շվեդիայի Միջազգային զարգացման և համագործակցության նախարար Փիթեր Էրիքսոնի հետ հանդիպումով։

Սթիվ Իսթերբրուքը հեռացել է McDonald՚s արագ սննդի ռեստորանների ցանցի նախագահի եւ գլխավոր տնօրենի պաշտոնից՝ ստորադրյալ կնոջ հետ սիրավեպի պատճառով, նրան փոխարինել է Քրիս Քեմփզինսկին:

Մեծ Բրիտանիայի արքայազն Չառլզը սկանդալի կենտրոնում է հայտնվել այն պատճառով, որ նրա բարեգործական ֆոնդում պահվում են Պաբլո Պիկասոյի, Կլոդ Մոնեի եւ Սալվադոր Դալիի նկարներ, որոնք կարող են կեղծ լինել:

Մոտ մեկ շաբաթ առաջ «Պրոմտեխնոլոգիա» (ORSIS զինագործական ապրանքանիշ) ընկերությունից 168.am-ին հայտնեցին, որ ՀՀ-ին ոչ միայն փամփուշտների շուկայական ձեռնտու գին են առաջարկել, այլև «Պրոմտեխնոլոգիա» ընկերության խմբի շրջանակներում գործարանի կառուցում:

Ֆրանսիայի Օլորոն Սենտ Մարի քաղաքում (Ատլանտյան Պիրենեյների դեպարտամենտ) հանցագործները հարձակում են գործել տաճարի վրա, որը գրանցված է ՅՈՒՆԵՍԿՕ-ի համաշխարհային ժառանգության օբյեկտների ցուցակում:

American Airlines, United Airlines եւ Southwest Airlines խոշորագույն ամերիկյան ավիաընկերությունները մշակում են Boeing 737 MAX-ի սեփական ցուցադրական թռիչքների անցկացման պլան՝ անկախ Boeing ընկերությունից եւ ԱՄՆ-ի քաղաքացիական ավիացիայի ֆեդերալ վարչությունից (FAA):

Լիբանանի նախագահ Միշել Աունը նոյեմբերի 4-ին հայտարարել է, որ անհրաժեշտ է երկխոսություն վարել երկիրն ընդգրկած բողոքի շարժման ներկայացուցիչների հետ։

Սերբիայի իշխանություններն ակնկալում են երկու – երեք ամիս անց կոսովոալբանյան իշխանությունների հետ բանակցությունների շարունակումը եւ պատրաստ են փոխզիջումային որոշումների:

Վիետնամում ոստիկանությունը եւս ութ մարդու է ձերբակալել Մեծ Բրիտանիայում միգրանտների զանգվածային զոհվելու հետաքննության շրջանակում: Այդ մասին հայտնել է VnExpress տեղական հրատարակությունը:

Դելիում օդի աղտոտման թույլատրելի նորմայի իննակի գերազանցման կապակցությամբ իշխանությունները որոշում են ընդունել քաղաքում մասնավոր ավտոմեքենաների երթեւեկությունը սահմանափակելու վերաբերյալ։

Թուրքիայի իշխանություններն ուսումնասիրում են ռուսական կործանիչների մատակարարման վերաբերյալ Ռուսաստանի առաջարկը: Այդ մասին նոյեմբերի 4-ին հայտնել է հանրապետության պաշտպանական արդյունաբերության վարչության ղեկավար Իսմայիլ Դեմիրը:

Լիտվայում նոյեմբերի 4-ին սկսվել են Gelezinis Vilkas 2019 – II («Երկաթյա գայլ-2019-II») ընդգրկուն զորավարժությունները, որոնց մասնակցում են Հյուսիսատլանտյան դաշինքի 11 երկրների մոտավորապես 4 հազար զինծառայողներ եւ ավելի քան հազար միավոր մարտական տեխնիկա: