ԱՄՆ-ը և Չինաստանը կարող են չեղարկել մաքսերի մի մասը. The Wall Street Journal
Վաշինգտոնը եւ Պեկինը քննարկում են ավելի վաղ սահմանված փոխադարձ մաքերի մի մասը չեղարկելու հնարավորությունը՝ առեւտրի ոլորտում վիճելի հարցերի լուծման համար: Նոյեմբերի 4-ին այդ մասին հայտնել է The Wall Street Journal (WSJ) թերթի էլեկտրոնային տարբերակը:
Թերթի աղբյուրների խոսքով՝ ԱՄՆ-ի եւ Չինաստանի իշխանությունները կարծում են, որ այդ քայլը կարող է նպաստել կոնսուլտացիների հաջող ընթացքին:
Հրատարակությունը նշում է, որ կողմերն սկզբունքային համաձայնության են հասել առեւտրի վերաբերյալ համաձայնությունների մշակման առաջին փուլի շուրջը: Այն վերաբերում է Չինաստանի կողմից ամերիկյան գյուղատնտեսական արտադրանքի ձեռքբերմանը, «արժութային մեքենայությունների կանխման կանոններին», ինչպես նաեւ Չինաստանում մտավոր սեփականության պաշտպանության եւ ԱՄՆ-ի ընկերությունների աշխատանքի համար պայմանների բարելավման մի շարք միջոցառումների:
Ինչպես ասված է հրապարակման մեջ, այդ համաձայնությունների շրջանակում Վաշինգտոնը, հավանաբար, պատրաստ կլինի հրաժարվելու Չինաստանից ապրանքների համար նոր մաքսերի՝ դետեմբերին պլանավորված սահմանումից: Աղբյուրների խոսքով՝ նաեւ քննարկվում է ԱՄՆ-ի եւ Չինաստանի իշխանությունների կողմից արդեն ավելի վաղ սահմանված մաքսերի մի մասի վերացման հնարավորությունը, հաղորդել է ՏԱՍՍ-ը:
