«Սուբսիդավորում չկա, լավ պայմաններ են առաջարկվել: Մենք չենք տվել այնպիսի արտոնություններ, որոնք պատրաստ չենք այլ ընկերություններին տրամադրել»:
Հատուկ քննչական ծառայությունը քննչական գործողություններ է իրականացրել Սահմանադրական դատարանում և Հանրապետական կուսակցության կենտրոնական գրասենյակում։ Այս մասին 168.аm-ի հարցմանն ի պատասխան ասաց ՀՔԾ մամուլի խոսնակ Մարին Օհանջանյանը:
ՀՀ կառավարության անդամների ճեպազրույցները՝ կառավարության նիստից հետո։
«Երբ խորհրդարանում տարբեր պատգամավորներ, շատ սակավաթիվ, պայքարում էին խորհրդարանի «անկման» դեմ, շատերը մտածում էին, որ դա պաշտոնի պահպանման համար է։ Այսօր քիչ ավելի շատ, բայց դեռևս քչերն են հասկանում, որ ՍԴ դատավորները պաշտոնի համար չէ, որ պայքարում են։ Հարցը այստեղ սկզբունքի, ապագայի, Հայաստան պետւթյան ապագայի մեջ է»։
Երևանի ընդհանուր իրավասության դատարանը, դատավոր Կարեն Ֆարխոյանի նախագահությամբ, մերժեց ԱԱԾ նախկին տնօրեն Արթուր Վանեցյանի դեմ Դանիել Իոաննիսյանը բողոքի գործով որոշումը՝ բողոքի անհիմն լինելու պատճառաբանությամբ:
«Հիմա մենք այստեղ նստած ենք, և կարող է հակառակորդը հարձակվել ինչ-որ ուղղությամբ: Այնպես որ, լուրջ թերություններ չեն եղել, այլապես մենք կկորցնեինք Մարտակերտը, Թալիշը: Ադրբեջանական կողմին չհաջողվեց հասնել իր նպատակին, նրանց կորուստների թիվը շատ ավելի մեծ էր՝ մոտավորապես 800: Սա լուրջ հարց է, որ իրենց չհաջողվեց այն, ինչ ուզում էին»:
«10 տարի իմ պահանջը եղել է մեկ բան՝ արեք այնպես, որ գոնե մի դեպք բացահայտենք, գոնե մեկ մահվան հանգամանք։ Նիկոլ Փաշինյանն անընդհատ կրկնում էր, որ քանի դեռ այս իշխանությունն է, որևէ դեպք չի բացահայտվելու: Այնքան էր ասում, որ ես սկսել էի դրան հավատալ ու նաև մտքումս մտածել այդ մասին»։
«Զոհեր, փառք Աստծո, դեռևս չունենք, բայց համայնքային կյանքն ամբողջովին խաթարվել է, չեն գործում դպրոցները, տարբեր կառույցներ, մարդիկ փորձում են տներում կամ ապահով վայրերում տեղակայված՝ սպասել հետագա գործընթացներին»:
168.am-ի հետ զրույցում Արցախի Հանարպետության նախագահի խոսնակ Դավիթ Բաբայանը նախ՝ անդրադառնալով Մինսկի խմբի և Բակո Սահակյանի հանդիպմանը, նշեց, որ եղել է բավականին անկեղծ, աշխատանքային հանդիպում, որի ժամանակ քննարկվել են տարբեր հարցեր՝ հակամարտության կարգավորման, տարածաշրջանային գործընթացների վերաբերյալ։
168.am-ի հետ զրույցում Մանվել Գրիգորյանի շահերի պաշտպան Լևոն Բաղդասարյանն անդրադառնալով միջնորդության մերժմանը՝ նշեց, որ յուրաքանչյուր դատական նիստի ժամանակ ներկայացում են նոր բժշկական փաստաթղթեր, մասնավորապես՝ վերջին նիստին ներկայացրել են կոնսիլիումի եզրակացությունը, որը միավորել էր 3-4 հիվանդանոցների 10-ից ավելի բժիշկ մասնագետների։
«Կարծում եմ՝ վտանգավոր է ոչ միայն ընդդիմադիր խմբակցությունների, այլ նաև իշխող ուժի ներկայությունը, որովհետև կոռուպցիայի կանխարգելման հանձնաժողովը պայքարելու է քաղաքական կոռուպցիայի դեմ, իսկ դիտակետում առաջին հերթին՝ Կառավարությունը, քաղաքական ուժերն ու Բարձրագույն դատական խորհուրդն են։ Այստեղ լուրջ վտանգներ կան»:
«Օրենքի այն հոդվածը, որի հիման վրա հարուցեցին կարգապահական վարույթ՝ դա կա, մնում է փաստ գտնեն, ամենակարևորը փաստերն են։ Մյուս կողմից՝ որքան շատ են այս մասին խոսում, այնքան ավելի շատ է կարծիք ձևավորվում, որ Հրայր Թովմասյանի անձի նկատմամբ կա կանխակալ մոտեցում»,- շեշտեց նա։
Հատկանշական է փաստել, որ Արցախի նախկին վարչապետ Արայիկ Հարությունյանին սատարող ողջ թիմն այս առիթով նախօրեին բավականին ոգևորված էր և բավականին ակտիվ էր սոցցանցերում։ Ու, ըստ տրամաբանության, դա տեղի է ունեցել Հարությունյանի «դաբրոյով»։
«Հարց է ծագում` ո՞ւր է գնում այդ աղը։ Պատասխանն ակնհայտ է. այն օգտագործում են սննդի արդյունաբերությունում։ Անկեղծ ասած` դա հանցագործություն է։ Տեխնիկական աղը մշակվում է կալիումի ֆերոցիանիդով, որը սպիտակեցնում է այն։ Իսկ դա չափազանց թունավոր նյութ է»,- ասաց Ղուկասյանը։
«Ցանկացած անձ խաղադրույք կատարելու իրավունք ունի, եթե այդ խաղադրույք կատարելը չի դառնում հիվանդություն: Քանի դեռ իր պաշտոնեական ծառայությունները կատարելուն չի վտանգում, մենք ոչ մի անձի չենք կարող արգելել խաղադրույքներ կատարել»:
Այդ պաշտոնին նա նշանակվել էր 2018թ. հունիս ամսին՝ իշխանափոխությունից հետո: Հատկանշական է, որ Գրիգորի Հայրապետովը, ով կանգնած է Ծառայության ստեղծման ու կայացման ակունքներում, պահպանել է նաև երկրի երեք նախագահների՝ Լևոն Տեր-Պետրոսյանի, Ռոբերտ Քոչարյանի և Սերժ Սարգսյանի անվտանգությունը:
Դեռևս չճշտված տեղեկությունների համաձայն՝ խոսքը Արցախի մի քանի շրջաններին շուրջ 150 մլն դրամի գույքի մատակարարման համար կնքած գործարքի մասին է, որն արվել է, սակայն գույքը տեղ չի հասել: Ավելին, ըստ ԱԱԾ-ի հաղորդագրության՝ հիմնադրամից այդ նպատակով դուրս գրված հիշյալ գումարը յուրացնելու նպատակով կազմել են պաշտոնական կեղծ փաստաթղթեր՝ նյութագիտական արժեքների հանձնման-ընդունման ակտեր, որպեսզի ծախս երևա:
«Մի օր քնած էինք, զգացինք՝ ինչ-որ բան է շարժվում, առավոտյան տեսանք՝ ճաքեր են բացվել, երկրաշարժ չէր, մեզ ասել էին, որ շենքը կայուն չէ: Որոշ ճաքեր, օրինակ, երեկ են բացվել»,- ասաց Անդրանիկ Հարությունյանը:
Որպեսզի հնարավոր լինի աղքատությունը հաղթահարել, պետք է ոչ թե մարդկանց քաջալերել, այլ պայմաններ ստեղծել եկամուտներն ավելացնելու համար։ Այս ընթացքում կառավարությունը շատ բան չի արել դրա համար։
«Մոսկվան Հայաստանի մեջքի ետևում Ղարաբաղյան «քարտը երբեք չի խաղարկել»»,- այս մասին 168.am-ի հետ զրույցում ասաց ռուսական «Ռեգնում» լրատվական գործակալության սյունակագիր, ռուս քաղաքագետ Ստանիսլավ Տարասովը՝ անդրադառնալով մերձավորարևելյան զարգացումներին և ԼՂ հակամարտությանը:
Բարձրաձայնված խնդիրները ևս մեկ անգամ մեսիջ պետք է լինեն իշխանությանը, որ այս և այլ ընթացիկ ռիսկերով պայմանավորված՝ ծախսերի նման մակարդակը կատարելու համար էական ջանքեր պետք է գործադրվեն, հատկապես աչքի առաջ ունենալով այս տարվա ծախսային թերակատարումների ֆոնը, քանի որ անգամ իրավիճակի կրկնվելը կարող է տնտեսական զարգացումների վրա էական ազդեցություն թողնել, որի բացասական էֆեկտների վերականգնման համար երկար տարիներ կպահանջվեն։
168.am-ին հայտնի դարձավ, որ ՔԿ-ի կողմից օրերս Շիրազ Հարությունյանի տնից առգրավվել են 110 տարբեր հողատարածքների սեփականության վկայականներ, որոնց մասով ընտանիքի բարեկամների մի մասը ցուցմունք է տվել առ այն, որ իրենք տեղյակ չեն եղել իրենց անվամբ գրանցված հողակտորների մասին, վկայականներում իրենց անվան դիմաց ստորագրությունները, ասել են, թե կեղծված են, իրենց ձեռքով չեն արված:
ՀՀ-ում տեղի ունեցած իշխանափոխությունից հետո քանիցս ականատես ենք եղել իշխանության կողմից կատարվող քայլերի, որոնք հակասում են ոչ միայն պետական ինստիտուտների կայացման ռացիոնալության սկզբունքին, այլև՝ ազգային մտածելակերպին ու հայկական արժեհամակարգին ընդհանրապես։
«Փաշինյանը մի լավ բան արեց՝ օդիոզ կերպարներից մեզ ազատեց, որոնց դեմքերը տեսնելը ցանկալի չէր մեր հասարակության համար, բայց, եղբայր, դրանից հետո պետք է անցնել հաջորդ քայլերին»,- նշեց Գևորգ Պետրոսյանը:
Ռուս քաղաքական վերլուծաբանի խոսքով՝ կարծիքները, թե սիրիական զարգացումները կարող են հետևանքներ ունենալ ԼՂ հակամարտության գոտում՝ ընդդեմ հայկական շահերի, հաշվի առնելով թուրք-ադրբեջանական, ռուս-թուրքական ջերմացումն այս ֆոնին, շահարկումներ են:
Արդեն երկրորդ օրն է՝ չեն մարում խոսակցություններն այն մասին, որ Պետական վերահսկողական ծառայության (ՊՎԾ)՝ լիազորությունները կասեցված պետ Դավիթ Սանասարյանը շուրջ մեկ ամիս առաջ վրաերթի է ենթարկել 9-ամյա մի երեխայի, սակայն որևէ մասնակցություն նրա ապաքինման գործընթացին չի ունեցել:
«Մենք այսօր շատ լավ գիտենք, որ մեր հանրապետությունում կան բազմաթիվ մեծ արժեք ունեցող, ապօրինի ծագում ունեցող գույքեր: Եթե օրենքն ուղղված է նշված գույքերը բռնագանձելուն, պետք չի այստեղ քաղաքական տարրեր գտնել»,- ընդգծեց նա:
«Բոլորի մոտ այն տպավորությունն է, որ Վիտալի Բալասանյանի և Սերժ Սարգսյանի հանդիպումը հանցավոր հանդիպում է: Դա այդպես չէ: Ես կողս պինդ մարդ եմ, բոլորին լսում եմ, բայց որոշում կայացնում է միայն Վիտալի Բալասանյանը»:
Այս տարվա օգոստոսի 5-ին ՀՀ վարչապետ Նիկոլ Փաշինյանը հայտարարեց՝ «Արցախը Հայաստան է, և վերջ»։ Այս հայտարարությամբ Նիկոլ Փաշինյանը, հավանաբար, ուզում էր ցույց տալ՝ ես եմ ձեր ընդհանուր ղեկավարը կամ տերը, բայց, պետք է ասեմ, որ Փաշինյանը չարաչար սխալվել է։ Այս մասին այսօր Արցախում հրավիրված մամուլի ասուլիսի ժամանակ հայտարարեց Արցախի Անվտանգության խորհրդի նախկին քարտուղար Վիտալի Բալասանյանը։
Արցախի Ազգային անվտանգության խորհրդի նախկին քարտուղար, «Հանուն Արցախի» համազգային շարժման նախաձեռնող Վիտալի Բալասանյանը ասուլիս է հրավիրել, որի ընթացքում անդրադառնալու է Արցախում և մեր տարածաշրջանում տեղի ունեցող իրադարձություններին:
